BIBLIOTECA EN MAIÚSCULAS PARA XENTE MINÚSCULA

mayo 12, 2010

Cuentilandia.

Aquí tedes o enlace a Cuentilandia, a páxina web de Marisa Moreno onde podedes atopar contos e poesías para nenos e nenas.

Pincha na imaxe para acceder á páxina.

mayo 05, 2010

Charlie e a fábrica de chocolate.

O señor Willy Wonka, o xenio da fabricación de lambonadas, agachou cinco billetes dourados nos envoltorios das súas chocolatinas. Os que dean con eles poderán visitar a súa misteriosa fábrica, onde se elaboran os doces máis sabedoiros que se poidan imaxinar: xeados que nunca se derreten, caramelos eternos que non se desgastan, chicles que nunca perden o sabor… Unha fábrica na que ningún estraño entrou nos últimos quince anos, e para a que se busca herdeiro.
Charlie Bucket, un rapaz de bo corazón que procede dunha familia moi pobre e vive á sombra da extraordinaria fábrica de chocolate, atopará un dos billetes máxicos, converténdose nun dos rapaces afortunados que entren nese lugar marabilloso.
Esta será unha visita que mudará a súa vida para sempre.
O humor, unha narración eficaz e económica, así como a tenrura para caracterizar un conxunto de personaxes adultos e infantís, singularizan esta obra considerada como unha das xoias da historia da literatura infantil de todos os tempos.
Pasa por ser a novela máis famosa de Roald Dahl, a primeira da serie que terá como protagonistas a Charlie e ao señor Wonka e que terá continuación en Charlie e o grande ascensor de cristal.
Foi traducida a múltiples linguas. A súa adaptación cinematográfica, protagonizada por Johnny Depp e dirixida por Tim Burton, estreouse no verán do 2005.

mayo 03, 2010

Aquiles o puntiño.

Un dos temas que máis curiosidade lles suscita aos lectores cando son moi novos é a orixe das cousas. A eterna pregunta do “porqué” está en boca de todos os nenos e nenas, acompáñaos dende a nenez ata a madurez. Aquiles representa á perfección ese papel inquedo, que o leva a transformarse continuamente: faise crecer os ollos, a boca, o nariz, as orellas, os brazos e as pernas; todos coa función de ir máis aló, de experimentar vivencias novas, de crecer como ser vivo e coñecer todo o que lle rodea.
Contemplar o que lle rodea, explorar o seu contorno, gozar coas pequenas cousas da vida, experimentar sensacións como a felicidade, e enriquecerse día a día en emocións e sentimentos, son algunhas das cousas que nos invita a compartir Aquiles e polo que paga a pena coñecelo.

abril 30, 2010

El libro negro de los colores.

Afeitos a percibir o mundo por medio de imaxes visuais, é moi difícil comprender como se pode vivir sen ver.
Para entendelo, a autora imaxina a amizade entre dous nenos, un deles, Tomás, é cego. O seu amigo conta como Tomás é capaz de ulir, tocar, oír e saborear as cores mentres el só os ve.
O libro, totalmente en negro para introducir ao lector ao mundo dos cegos. Inclúe o texto impreso e en braille, así como ilustracións en relevo para seren lidas e tocadas.
“El libro negro de los colores” (Ed. Tecolote) de Menena Cottin e Rosana Faría é unha obra singular sobre a percepción da cor, que mereceu o 1º premio na categoría Novos Horizontes, outorgado pola Feira do Libro Infantil de Bologna 2007.

abril 29, 2010

Mi planta de naranja-lima.

Entre os libros para adultos recomendados na exposición do Día do Libro temos este libro do escritor brasileiro José Mauro de Vasconcelos.
É a historia dun neno de cinco anos chamado Zoé . O protagonista ten un tío, Edmundo, que é moi sabio e é quen lle ensina como é a vida.