Frederick

Este emblemático álbum do prestixioso debuxante holandés Leo Lionni invirte a fábula de Esopo de “A cigarra e a formiga” para amosar o valor da arte, a imaxinación e os soños, ao mesmo tempo que incide na importancia de manter a propia identidade e de loitar pola liberdade individual.

Como toda a obra de Lionni dirixida ao público infantil, “Frederick” caracterízase pola simplicidade gráfica das imaxes e o uso de técnicas facilmente identificables polos nenos, como o collage.

“Frederick” (1963), que é un dos libros máis famosos e premiados do autor, foi editado por primeira vez en España en 1969 pola editorial Lumen con tradución de Ana María Matute e foi reeditado en 2004 por Kalandraka.