enero 27, 2009

30 DE XANEIRO, DÍA DA PAZ

Para a celebración do día da paz, nesta ocasión partiremos do documento do Manifesto 2000, adaptándoo á idade do noso alumnado. Cada aula traballará os contos propostos e engadirá algún máis á lista.
Logo, os traballos feitos expoñeranse nos corredores: murais, debuxos, colaxes...
Tamén faremos educación documental: cada aula elixirá unha persoa que teña recibido o premio Nobel e buscará, cos rapaces, información moi sinxela ao respecto. Posteriormente poñerémola en tarxetas que engadiremos ao panel preparado. Os datos poderían ser: imaxe da persoa, datas biográficas, localización xeográfica, actividade pola que se lle concedeu o premio...
Así mesmo, todos os grupos traballarán sobre o conto "DOUS MONSTROS", de David McKee. Prepararemos no corredor un panel para colocar todas as interpretacións e colaboracións do alumnado sobre este álbum.
Prometo poñer testemuñas gráficas de todo isto!!

CONTANDO OS MESES



Este ano, o noso calendario vai de contos.
Cada clase escolleu un, e entre todo o grupo fixeron unha ilustración para ese conto.
Así, iremos contando os meses...nunca mellor dito!
Aquí vos van dúas das ilustracións, para abrir boca. Se queredes velas todas, pinchade na imaxe de arriba.