BIBLIOTECA EN MAIÚSCULAS PARA XENTE MINÚSCULA

2012-02-16T10:12:00.000+01:00

xa chegou o ENTROIDO....

2012-02-14T10:07:00.005+01:00

Este ano festexamos o entroido coñecendo outras culturas.
Cada aula visita un lugar do mundo coñecendo a súa cultura e caracterizándose a través da mesma.

MACACO marea de gente

Somos exipcios, somos peruanos.

Somos escoceses, somos indios.

Somos chineses, somos africanos.

Todos no mundo somos humanos.

DÍA DA PAZ

2012-01-25T11:45:00.003+01:00

Como queres que che fale de paz, se os teus oídos non escoitan.

Como queres que che fale de amor, se o teu corazón é pedra.

Como queres que che fale de grandeza, se a túa alma é pequerrecha.

Se o que buscamos é a paz, polo diálogo habemos comezar.

A PAZ

2012-01-13T13:03:00.000+01:00

algúns enlaces de interese

2011-12-20T11:50:00.002+01:00

Para teres algo de todo, dende receitas, a posibles agasallos...

O INVERNO

2011-12-19T18:11:00.008+01:00

Cando chove e non me mollo, ¿é que chove ou que non chove?

Choven choven catro pingas; Choven choven Oito ou nove

unhas pingas que recollo; Chove chove non me mollo

Uns que baixan outros soben; Desazete vinte e nove

poño verbas a remollo; Non me colles Non te collo

Chove chove e non me mollo

(Antonio García Teijeiro)

2011-12-19T17:54:00.002+01:00

O Equipo de Biblioteca e o de Dinamización Lingüística queremos achegarvos algunhas lecturas para o nadal

CHEGOU O NADAL

2011-12-19T17:48:00.002+01:00

OUTONO

2011-12-19T11:31:00.003+01:00

Era polo novembro, cando as follas empezaron caendo...,

e de novo dende a biblioteca, outras historias fomos poñendo,

para así entre todos esta nova estación ir coñecendo

CORRE CORRE CABACIÑA

2011-12-19T11:13:00.006+01:00

O día da festa rachada,

ademáis de crear os xantares terroríficos que logo papamos,

de ir ó teatro no que de risa escachamos,

e xogar unha chea,

tamén houbo lecer, cando Eva se puxo a ler,

"corre, corre cabaciña"

que ben o pasamos!

sobre todo cando a cantamos...

samaín

2011-12-19T11:04:00.003+01:00

Era alá por finais de outubro cando a cor laranxa e o arrecendo das cabazas enchían a entrada do centro... Estabamos a celebrar o SAMAÍN, dende a biblioteca achegamos libros para compartir entre todo o cole....

Xa Estamos Aqui!!!!!!

2011-12-16T13:35:00.002+01:00

Aínda que hai un tempo que non sabedes de nós, estamos aquí.

E non estamos de calquera maneira..., estivemos a facer unha chea de cousiñas... que vos imos ensinar.

Un homiño de plastilina na biblioteca

2011-06-27T13:16:00.002+02:00

Pode que sexa a última entrada do curso, así que queriamos que fora unha entrada para recapacitar...
Recollemos esta montaxe do IES Manuel Chamoso Lamas para remata-lo curso cun croquiño en tódalas cabezas.
Grazas a todas e a todos polo voso seguemento e BO E PROVEITOSO VERÁN

Cen Anos de Cunqueiro

2011-06-15T13:20:00.003+02:00

Non queriamos rematar o ano Cunqueiro sen facerlle unha mención. E, posto que a súa obra adulta xa é de sobra coñecida, ocorréusenos editar unha entrevista que lle fixeran no 1978 na Televisión Española. Entrevista que recolle á perfección as súas ideas e os seus ideais.

Poesía Infantil

2011-06-13T12:33:00.005+02:00

Este é o libro que nós salvamos na campaña das Letras Galegas, e vimos de adquirir un par de volumes para a biblioteca.
Un libro de poesía infantil, con pequenas historias-poema que relatan periperias coñecidas ou que xa nos poden soar e outras novas pero igual de fermosas.
Un bo xeito de achegármonos á poesía.

A Insoportable Levedade das Bibliotecas Escolares

2011-06-06T13:21:00.003+02:00

Ante a previsible retirada de formadores específicos no ámbito das bibliotecas escolares no Servizo de Formación do Profesorado, no Centro Autonómico de Formación e Innovación e nos centros de formación e recursos dependentes da Dirección Xeral de Educación, Formación Profesional e Innovación Educativa, segundo o borrador da orde que convocará concurso público de méritos para cubrir postos de persoas directoras e asesoras nestes centros QUEREMOS MANIFESTAR O SEGUINTE:

Hai proxectos que nacen marcados pola vulnerabilidade e a razón desta circunstancia non ten nada que ver coa falta de rigor ou a pouca entrega das persoas que os poñen en marcha. Máis ben ten que ver co feito de que nacen destinados a nadar contra corrente. Con todo, esa é a principal razón da súa existencia: xorden porque responden a unha necesidade non satisfeita pero compartida por un número crecente de persoas que senten que é posible compartir e facer viable o proxecto xuntos. Así naceu o movemento que cristalizou na iniciativa que todos coñecemos como PLAMBE. De xeito que dende hai algúns anos, esa iniciativa levou o mellor da creatividade e o esforzo de moitos docentes que xenerosamente regalaron o seu tempo e a súa capacidade de formar equipos e ilusionar a outros docentes en centros e centros de toda a nosa comunidade. Xuntos aprendemos a ser rigorosos e esixentes nos nosos proxectos, a crear espazos de aprendizaxe colaborativo, de cambios de estratexia, de achegamento ás novas tecnoloxías, de racionalización na xestión da información. Que ninguén se equivoque: os responsables das bibliotecas escolares non son seres evanescentes perdidos en vanas quimeras que tentan “roubar” horas a materias “importantes” para que o alumnado esmoreza entre mundos de ficción. Nada máis lonxe da realidade. Nun centro onde hai un equipo que xestiona a biblioteca de forma eficaz nótase. Os fondos adquírense con criterio, establécense acordos para xestionar a información, créanse espazos de colaboración e docencia compartida. Non é doado porque a maquinaria educativa ten unhas inercias difíciles de combater. A pesar de todo, estes docentes fórmanse e exercen a súa dura misión en horas non retribuídas, roubadas ás súas familias, ao descanso, ao lecer. Fomos coordinados con rigor e seriedade pola Asesoría de Bibliotecas Escolares pero sempre nos faltou o marco legal axeitado. A nosa misión é dura porque queda moito por definir. Na nosa inxenuidade e boa fe esperabamos conseguir progresivamente tempos e formación para seguir mellorando na nosa función se demostrabamos que eramos rigorosos e eficaces. Os nosos méritos como colectivo son dabondo coñecidos polos nosos gobernantes e acreditados por diferentes administracións e ámbitos a nivel estatal. Os numerosos e constantes premios anuais de boas prácticas concedidos polo Ministerio de Educación y Ciencia non caeron do ceo. Durante todos estes anos a formación recibida foi fundamental para levar a cabo actuacións rigorosas e enfocadas na dirección correcta.
Sabemos das cuantiosas axudas que a Dirección Xeral de Educación, Formación Profesional e Innovación Educativa, destina a outros proxectos, dos incentivos para a elaboración de contidos dixitais por parte das empresas editoriais, entre outras iniciativas. Non sería tamén interesante fomentar a produción de materiais propios e promover desde cada centro a estandarización de procedementos que axuden a xestionar a información entre o noso alumnado sen confiar todo a eses materiais externos que proceden da industria editorial, por valiosos que poidan ser? Por que non seguir aproveitando a experiencia e valía dos equipos das bibliotecas escolares nestes cometidos?. O noso empeño sempre foi crear nos centros pequenos focos que tentan estender esas boas prácticas de innovación e excelencia. Non entendemos este novo e repentino xiro na política de formación desta Dirección Xeral. Non nos parece xusto posto que, podemos dicir honestamente que, pola nosa banda, cumprimos con fartura. Ao desmantelar as estruturas que nos sosteñen o deterioro será proporcional ao entusiasmo e o esforzo investidos: inmenso e imparable. Algúns lembramos como o noso Conselleiro lanzou un bico ao aire ao despedirse dos asistentes aos últimos encontros despois dunhas entusiastas palabras de eloxio polos éxitos logrados polas bibliotecas escolares galegas a nivel estatal. Onde quedou ese entusiamo? Que interpretación debemos facer? O noso país pode permitirse tirar pola borda todo este traballo? E nós?. En que situación quedaremos agora diante das nosas comunidades educativas se despois de tanta insistencia é a propria Consellería a que nos invisibiliza?

Asinado: O colectivo de coordinadores e coordinadoras de bibliotecas escolares incluídas no Plan de mellora de Bibliotecas Escolares de Galicia.

Este escrito ten o apoio do CLAUSTRO de profesores e profesoras da EEI FERNÁNDEZ VARELA.

Novela para Adultos

2011-06-03T10:40:00.003+02:00

Aínda que vai pola súa segunda obra, comecemos recomendado a primeira, ambas deste ano.

Denso Recendo A Salgado pode resultarnos moi curiosa de ler, sobre todo polo seu contexto, pois calquera de nós, dos habitantes da Pobra, do Barbanza ou da Ría de Arousa, podemos atopar moitas similitudes coa realidade que nos rodea: bateas, mar e olor a costa.

Unha novela de historias de "aparente desconexión inicial para acabar nunha frenética sinfonía vital, tráxica e vibrante, trepidante, delicada, por veces romántica, e a un tempo crúa e dura como a realidade de moitas historias" (xerais).

Logo desta recomendaremos Un Dedo Manchado De Tinta...

A Última Festa das Letras

2011-05-25T18:28:00.002+02:00

E por fin hoxe fixemos a xornada de peche das Letras Galegas 2011...
Celebramos unha ximkana por todo o cole para consegui-las pistas que nos deixaran descubri-lo panel final: un gran puzzle de Lois Pereiro!
Aínda coa calor que facía, pasámolo en grande! Aquí vos queda unha mostriña para que vos fagades a idea...

A Mestra Sonia Conta

2011-05-24T16:50:00.000+02:00

Entre celebracións e celebracións seguíamos coas sesións de contacontos das profes.

A semana anterior contou a mestra Sonia á aula de 5 anos A. E contoulles o conto de "A Viaxe das Bolboretas", moi ó tempo no que corremos... Vera vera primavera!!!!

Estupenda experiencia a dos contacontos!

Tres días, Tres Festas

2011-05-24T12:24:00.003+02:00

E o seguinte día tocamos música!!!
Veu Ivonia, unha pandereteira moi instruída que nos aprendeu a tocar instrumentos moi nosos e moi curiosos.
Encantounos a experiencia! Aínda que algún peque comezou cun pouco de medo, ó final todas e todos participamos. Unha pena que non poidan verse tódalas fotos...

Tres días, tres Festas

2011-05-23T20:56:00.004+02:00

O primeiro día de celebracións veunos visitar Anxo Moure, un grande e completo contacontos.
Trouxo, ademais de contos, a súa ciclobiblioteca chea de libros, de viaxes de ida e volta e diversión, diversión e diversión!!!
Cando vexades as fotografías entenderedes todo!

Para entende-la Exposición

2011-05-19T20:03:00.004+02:00

SALVANDO LIBROS

Que libro salvarías ti?

Esta exposición xorde dun traballo colaborativo entre 96 bibliotecas escolares galegas e pretende ser unha chamada de atención sobre a importancia de apreciar, coidar e manter o noso patrimonio cultural escrito.

Pretendemos difundir a idea de que é imposible destruír os libros e os valores que neles se transmiten se somos quen de conseguir que formen parte de nós para sempre.

Maio 2011

Queremos dar moi especialmente as grazas a Jaime Eizaguirre Santillán, ex-alumno do IES Sánchez Cantón, que unha vez máis deseñou estes carteis tan fermosos para facer posible a actividade.

Moitísimos libros están a ser salvados nas nosas bibliotecas, que organizan as súas propias exposicións e actos.
Esta é só unha pequena escolma dos que representan a cada un dos centros que participaron na actividade.

Salvar un libro consiste en aprender de memoria un pequeno fragmento para simbolizar a asimilación de todo o seu contido. Entón xa seremos unha persoa-libro e poderemos preservalo para sempre.

A idea está baseada na obra de Ray Bradbury “Fahrenheit 451”.

Esta é a escolma de libros que representan aos centros de Educación Infantil

Esta é a escolma de libros que representan aos centros de Educación Primaria

Esta é a escolma de libros que representan aos centros de Ensino Secundario e algúns persoeiros relacionados co mundo das letras e a cultura

ESTA ACTIVIDADE FOI COORDINADA DESDE AS BIBLIOTECAS ESCOLARES:

IES LUIS SEOANE DE PONTEVEDRA

ESCOLA UNITARIA DE VIDE

2011-05-18T16:57:00.006+02:00

Co gallo do día das letras galegas, participamos tódalas bibliotecas escolares que quixeron nunha exposición común para "SALVAR" o libro que máis nos gustara.

Na escola fixemos unha exposición cos libros que se salvaron entre tódalas familias e expuxemos o que salvamos dende o Claustro: "A Casa de Había Unha Vez", ademais de outros libros de poesía infantil, pois non son doados de atopar...

Para que se salven tódolos libros do mundo!. Felices lecturas!

Día das Letras Galegas

2011-05-16T10:51:00.008+02:00

Mañá celébrase o día das nosas letras, das letras galegas.
Dende o 1963, adícaselle cada ano a un persoeiro (sexa home ou muller) que contribuíra a expandir e difundir a nosa cultura e as nosas letras.

Este ano decidiuse adicarllas a Lois Pereiro, poeta da Xeración do Amor e o Desamor.
Aínda que non resulte moi doado achegar a súa temática á educación infantil, temos dende hai uns anos ó Seminario Galán axudándonos a orientar actividades.

Propoñémosvos que vaiades quentando motores dende a casa cunhas actividades LIM (direccionadas dende a fotografía) porque nos espera unha semana cargadiña de actividades no cole!!!

A Mestra Tina Conta

2011-05-12T16:16:00.011+02:00

Contou tamén esta semana a profe Tina, e fíxoo coa aula de 4 anos B.

Seguindo co traballo de Andersen, contoulles a historia do Patiño Feo adaptada por kalandraka. Un conto moi bonito que ademais lles serviu para repasar valores coma os da igualdade, non discriminación...

Que ben o pasamos cos contos!

A Mestra Marién Conta

2011-05-12T09:22:00.001+02:00

A mestra de 3 anos A contoulles un conto á aula de 3 anos B.

Para oír ben tiveron que abrir as orellas, e logo escoitaron o conto Lume no Bosque, porque non esquecemos que este ano é o Ano Internacional dos Bosques, e que debemos traballar a importancia dos bosques e o bo trato para cos seres vivos e a natureza...

Pois si que nos gustou o conto, si...

Premios Max 2011

2011-05-10T11:03:00.000+02:00

Esta é a obra coa que Quico Cadaval se alza gañador do Premio Max na categoría de lingua galega.
Peza que se estreou en Galiza pero que estivo de xira por toda a península nos distintos idiomas.
Preparad@s agora para a próxima estrea, de novo con Luís Tosar ó seu cargo...
Parabén a todo o equipo.

Hoxe tivemos un Paseo...

2011-05-09T12:51:00.002+02:00

NovoSuperContacontos on PhotoPeach

A Mestra Jose Conta

2011-05-06T09:33:00.003+02:00

Jose, a profe titora de 4anos, contoulles á aula de 3anos B un contiño lindo, lindo... O conto do parruliño Tito que buscaba ós seus irmáns nos oviños que ía atopando; e atopaba ovos de moitas especies!

Como premio por portarnos tan ben, levamos un parruliño para cada un/ha.

Gracias por contar con nós, profe!

Lingua de Signos

2011-05-05T13:35:00.000+02:00

Contancontos en Lingua de Signos on PhotoPeach

A Mestra Mari Conta

2011-05-04T12:49:00.005+02:00

Cóntalles ó alumnado de 5anos B o conto da ra Ranilda, co libro e cun panel chulo chulísimo que ela preparou.
Toda a aula o pasamos moi ben. E encantounos a rá de papel, que pega uns brincos xeniais!!
Grazas profe, e que che vaia moi moi ben.

Día Internacional da Liberdade de Prensa

2011-05-03T08:45:00.001+02:00

Hoxe celébrase o día Internacional da Liberdade de Prensa. E como a prensa tamén é lectura, e nas bibliotecas tamén hai prensa, a partir de hoxe queda engadido como enlace interesante a páxina web "KIOSKO", na cal podedes atopar case toda a prensa de todo o mundo.

Pola liberdade.

A Mestra Romina Conta

2011-05-02T10:09:00.005+02:00

Cóntalles á aula de 5 anos B a hitoria das Matrioskas. Para elo utilizou unha animación no EDI na que saían as Matriuskas unhas de dentro das outras (cunha musiquiña moi divertida de fondo!) e mais unha colección de Matriuskas de verdade.
Para rematar, levamos unha matriuska de papel para colorear na nosa casa.
Pasámolo moi ben! E aínda nos queda outra profe... quen virá?!...

Teacher Cruz Conta

2011-04-28T09:28:00.006+02:00

Onte a mestra de inglés contoulles á aula de 4 anos B un conto de Andersen que non é moi coñecido pero si moi bonito e cunha grande mensaxe implícita...
O libro que trouxo era enoooorme! E buscando buscando entre as súas follas, apareceu esta fermosa historia:

Aínda nos queda outra sesión de contacontos con outra profe!! Ademais, iremos colgando as sesións das outras clases (dúas cada unha).

Día do Libro

2011-04-26T12:00:00.003+02:00

Esta é unha pequena recompilación dos traballos que o alumnado da nosa escola fixeron nas casas para crear un libro-conmemoración de Hans Christian Andersen celebrando o día do libro.
Xa sabedes que podedes ver todos todos os debuxos no vestíbulo do centro. Animámosvos a visitala!

Día do Libro

2011-04-23T21:08:00.002+02:00

Hoxe celebramos o día do libro!
Dende a Biblioteca imos quentando motores compartindo con tod@s esta canción e esta presentación de cartaces de distintas institucións para o fomento da lectura, ademais de presentar unha recompilación de materiais para traballar co alumnado na aula que utilizaremos a próxima semana. Grazas á biblioteca do Víctor Sáez por facela e compartila con tod@s

Día Mundial da Voz

2011-04-18T11:03:00.004+02:00

Esta fin de semana celebrouse o Día Mundial da Voz. O seguinte enlace lévavos a unha páxina en portugués que nos ensina como funciona a voz.

Pero ademais da voz falada, dende a EEI Fernández Varela e a Biblioteca Escolar, quixemos lembrar outro tipo de voces, que aínda que non as escoitamos polo oído tamén serven para comunicarnos...

Sumando o día da voz e o mes dos libros, o día 15 de abril tivemos unha sesión de contacontos en lingua de signos. Á volta das vacacións amosarémosvos as fotografías.

Visita á Biblioteca Municipal

2011-04-17T10:16:00.001+02:00

Visita á Biblioteca Municipal on PhotoPeach

O xoves 14 de abril fomos andando en grupos de dúas clases á Biblioteca Municipal para que, quen decidiu nas casas, fixera o carné de socio. Ademais, o bibliotecario explicounos para que utilizan a biblioteca municipal, que fondos teñen, que podemos facer alí os/as nenos/as de educación infantil...
Pasámolo súper ben! Xa sabedes, cando queirades levarnos xa sabemos o camiño!

Encontros de Bibliotecas Escolares

2011-04-15T12:04:00.005+02:00

Os días 7 e 8 de abril as/os coordenadoras das Bibliotecas Escolares reuníronse en Santiago de Compostela para comparti-las experiencias anuais e debater da importancia, funcións, deberes... das Bibliotecas Escolares.
As experiencias están recollidas na páxina de Bibliotecas da Xunta de Galicia, á que podedes acceder premendo na imaxe.

Semana da Acción Mundial pola Educación

2011-04-13T11:46:00.006+02:00

Este ano, a CME (Campaña Mundial da Educación) centra as súas propostas didácticas de educación infantil na Educación en Igualdade, por iso, dende a biblioteca escolar, traballaremos a través dos nosos recursos e o noso horario esta proposta.
Para saber máis: http://www.cme-espana.org/category/cc-aa/galicia
Historia para peques e adultos:

Roberto Inocenti e o Álbum Ilustrado

2011-04-07T13:57:00.004+02:00

Esta tarde celébranse en Compostela uns encontros con Roberto Inocenti, galardoado co máis prestixioso premio de Ilustración Infantil e Xuvenil, o "Hans Christian Andersen".

Ademais, formará parte mañá do xurado do Premio Compostela do Álbum Ilustrado... Estaremos atentas, a ver en que queda...

Día da Saúde

2011-04-07T11:36:00.000+02:00

A saúde non é só curar enfermidades, senón previlas.

Por iso vos recomendamos este libro para adultos que nos

axuda a explicar certas normas de hixeñe ós peques.

E estes títulos difíciles de atopar se non se encargan:

para os máis peques, a colección de Edu (editorial Juventu)

amósalles entre as situacións diarias a de ir ó pediatra ou asearse

e para perde-lo medo ós dentistas e investiga-la boca,

Dientes, de Media Vaca.

Aprendendo a usar o carné de biblioteca

2011-04-06T10:15:00.001+02:00

Open publication - Free publishing - More usuarios

Un ano máis, e atendendo ás celebracións do mes dos libros, imos ir visitar a biblioteca municipal e propoñémosvos que lles fagades o carné de socios/as ós alumnos/as da escola. Como vos explicabamos na nota que enviamos ás casas, aquí vos deixamos un monográfico para que vos acheguedes ó uso do MEIGA, un portal no que poderedes acceder co carné e conseguir información, bibliografía, xogos... Queda tamén rexitrado en "Recursos para Biblioteca".

O teu novo carné é como unha chave que che abre as portas dun mundo por descubrir. Pincha aí arriba e aprende a usar esa chave!

Contos Virtuais

2011-04-04T09:36:00.006+02:00

Seguindo coa celebración do Mes dos Libros e do Día internacional do Libro Infantil, animámosvos a achegarvos cos/as vosos/as peques a outra forma de ler e ver contos: os contos interactivos, enlazados na imaxe e que están tamén no apartado de "Xogando e Aprendendo".

Nesta páxina web terán a posibilidade de escoitar contos, ademais xa coñecidos por eles, pero cambiando algunha das súas partes (é dicir, que traballamos a famosa técnica dos "contos ó revés" de Gianni Rodari).

Manifesto día Libro Infantil - OEPLI

2011-04-02T16:03:00.001+02:00

“Cando Arno chegou á escola co seu pai, as clases xa comezaran.” No meu país, Estonia, case todo o mundo coñece esta frase de memoria. Así comeza un libro. O título do libro é “Primavera”, que se publicou en 1912 e foi escrito polo escritor estoniano Oskar Luts (1887 – 1953). “Primavera” narra a vida dos nenos dunha escola rural dun pobo de finais do século XIX en Estonia. Oskar Luts escribiu dos seus anos escolares. Arno é en realidade o mesmo Oskar Luts na súa infancia. Os investigadores estudan documentos antigos e escriben libros de historia segundo estes. Os libros de historia falan de sucesos que tiveron lugar algunha vez. Nos libros de historia un non entende ben como era a vida da xente corrente daquela época. Non obstante, os libros históricos costumistas lembran feitos que non atopamos nos documentos históricos, como por exemplo o que pensaba un rapaz como Arno cando hai cen anos ía á escola. O libro lembra os soños dos nenos, as súas dúbidas, os seus gustos e as súas afeccións. Tamén lembra aos pais dos nenos, como lles gustaría ter sido a eles e o que desexaban para o futuro dos seus fillos. Por suposto que hoxe en día tamén se poden escribir libros de tempos pasados e estes son adoito apaixonantes. Pero en realidade, un autor de agora non sente os olores, os sabores, os temores e os gustos dos tempos remotos. El xa sabe o que aconteceu, o que o porvir lle tiña velado á xente daquel tempo. Os libros lembran a época na que foron escritos. Coas novelas de Charles Dickens sabemos que lle parecía a un neno a veda nas rúas de Londres a mediados do século XIX, cando Oliver Twist paseaba por elas. A través dos ollos de David Copperfield –que eran os mesmos ollos de Dickens- tamén nós vemos toda clase de tipos que vivían na Inglaterra de mediados do século XIX, cales eran as relacións entre eles e cales eran as ideas e emocións nas que se fundamentaban. Como David Copperfield é en gran medida Charles Dickens, este non tivo que inventar nada; el simplemente sabía. Os libros dannos a coñecer o que realmente sentían Tom Sawyer, Huckleberry Finn e o seu amigo Jim ao navegar polo Mississippi a finais do século XIX, no momento no que Mark Twain narraba as súas aventuras: el coñecía profundamente o que a xente da súa época pensaba dos demais, porque el mesmo vivía entre eles. El era un deles. As obras literarias que foron escritas na súa mesma época, cando a xente daquel tempo aínda vivía, son as que falan de xeito máis auténtico da xente do pasado. O libro lembra. Aino Pervik Tradución ó galego de Francisco Castro. http://www.oepli.org/pag/gl/dia.php

Mes dos Libros

2011-04-02T09:46:00.002+02:00

Este mes temos no centro unha exposición de Hans Christian Andersen, sen dúbida un dos escritores que marcou as historias clásicas infantís, aínda que fora con versións dos seus orixinais.

E comezamos celebrando o día internacional do libro infantil, para o cal pedimos a vosa colaboración, ides ver o proveitoso e satisfactorio que resulta o traballo cos libros en educación infantil. A idea é que realicedes actividade en relación ás que levamos a cabo dende o centro na que vos pedimos que ilustredes a portada do conto que imos a traballar nas aulas e que logo pasará ós andeis da Biblioteca.

Feliz lectura.

Concienciados sobre o Autismo

2011-04-01T14:08:00.009+02:00

Para os peques, para que compartan e entendendan que non tódalas cabezas pensan igual ou escoitan igual ou falan igual... Presentámosvos a Xandre, unha personaxe creada dende a asociación TADEGA
. [De non visualizar este contido interactivo multimedia, deberíase a que o teu navegador non soporta marcos ou que neste momento está configurado para non visualizalos. Como alternativa, podes acceder ao contido no seguinte enlace: &amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;a href="http://www.contosdexandre.net/sen_sombra/menu.html" title="Enlace ao conto principal de Xandre." lang="gl" lang="gl"&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;www.contosdexandre.net/sen_sombra/menu.html&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;lt;/a&amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;amp;gt;]
E para que nós, que nos custa máis, vexamos o que é, quito este vídeo do blog dunha mamá cun neno con autismo, que ó mellor non é moi pedagóxico pero sí ten cousas interesantes como alento ou apoio psicolóxico (mamijul).

Para Nós

2011-03-31T09:55:00.008+02:00

Esta non é unha novela; son tres novelas curtas dun mesmo escritor:
"Cela aberta”, gañadora no seu día do VII Premio Valle Inclán na Pobra do Caramiñal. Un prisioneiro que leva detido no cárcere secreto dun réxime ditatorial, relata en primeira persoa as torturas ás que foi sometido.
“Vértixes”, II Premio de Novela Curta da Cidade de Ribeira. O cirio da paixón recompensa aos dous amantes con momentos moi felices e gorentosos, pero tamén con días tormentosos, porque a atracción que Daniel sente por Ana é irrefreable.
“Escintileos”, galardoado co II Premio de Micronovela do Concello de Soutomaior. O seu protagonista é vítima dunha enfermidade que lle fai esquecer todo aquilo que, ante os demais, o pode facer aparecer como alguén negativo.

E entre as historias un definidor común: as veleidades do destino que se asaña cos protagonistas de cada unha delas, facéndolles adoptar comportamentos que estaban ata o momento agochados no seu interior...

Seguindo co día da Auga...

2011-03-25T15:00:00.000+01:00

Deixaron a billa aberta e ninguén veu a pechala... ninguén sabía ónde se metera o dono da casa...

Pero o curioso foi o que aconteceu: a auga meteuse por tódolos recunchos, encheu tódolos buratos, verteu por tódalas saídas e, finalmente, apareceu un ser azul, transparente, critalino... Un home de auga!

Algúns confundíano cun charco ou unha fonte, outros asustábanse e chamaban á policía, pero, con todo, o home de auga deixaba o ratro do ben ó seu paso.

Este relato rico en ilustracións (finalista do premio Andersen ó álbum ilustrado en 2008) enxalza o valor da diferenza e impulsa as sensacións e emocións dos lectores.

Día da Poesía

2011-03-24T14:36:00.002+01:00

Como celebración do día da poesía escollemos dende a biblioteca estes libriños de poesía infantil tanto en galego como en español para que vos animedes a amosarlle ós/ás pequenos/as outros tipos de escritura.

E lembrade: os hábitos adquírense! Se tí les, eles len!

Ata logo Josefina

2011-03-17T09:56:00.006+01:00

Leonesa.
Mestra.
Pedagoga.
Doutora (o termo ben entedido)
Escritora.
Crente da Institución Libre de Ensinanza.
Fundadora do Colexio Estilo.
Defensora da liberdade da muller.
Hai quen vén e se vai deixando pegada...
Josefina Aldecoa

Dia Mundial Auga

2011-03-14T21:01:00.000+01:00

Para estas cousas e máis... Pensemos en tódolos días e non só en hoxe.

POR UN CONSUMO RESPONSABLE

O Parrulo Feo

2011-03-12T10:06:00.001+01:00

O día 1 de Marzo fomos todo o cole (que tiña permiso) a ver unha peza de teatro a Santiago de Compostela, ó Teatro La Salle... A primeira saída importante das aulas de 3 anos!
Encantounos a peza do Parruliño Feo! E tamén a experiencia de ir de excursión coma os maiores...
Non colgamos nada ata agora porque andivemos un pouquiño liados co entroido, pero poñemos unha pequena mostra para que non se nos esqueza.

Documentais "Conciencia"

2011-03-11T11:51:00.004+01:00

Logo de "Las sabias de la tribu", comeza en La2 a serie documental Igual-es, coincidindo coa programación especial do día da Muller.

Esta noite "Ellas... se arriesgan", se podedes non o perdades, engancharavos para ver o resto de documentais dirixidos por Inés París.
Podedes consulta-la sinopse en Sincroguía, direccionado na fotografía adxunta.

O Entroido na Biblioteca

2011-03-10T09:58:00.005+01:00

Para anticipa-la celebración e os disfraces do Entroido 2011, relacionados coas personaxes dos bosques, celebramos na biblioteca de centro unhas xornadas de cine na que proxectamos distintas películas relacionadas coas temáticas que logo utilizamos nas aulas para ver en grupos de 2 aulas.
O resultado final... xa o víchedes! E para lembralo podedes ir á web do centro, visita-lo hall do cole ou colle-las fotografías que Vitorino sacou ó longo do paseo.

Ademais, hoxe e mañá traballaremos o Entroido na Prensa, a propósito da Semana da Prensa... Xa vos ensinaremos o resultado!

Día da Muller

2011-03-08T14:05:00.004+01:00

Porque @s nen@s de hoxe son os adultos do mañá.
Aprendámoslles a ser iguais e medrar cunha autoestima positiva.

Vídeos cofinanciados pola Xunta de Andalucía... Non atopamos nada parecido cofinanciado pola Xunta de Galicia.

Día da Muller

2011-03-05T13:21:00.005+01:00

Que as túas mans habían ser os teus ollos

é algo que sabe a terra bastante mellor ca min,

que foi con elas con quen criaches fillos e cortaches leña

pequena haiku que concentras a verdade sobre as estacións

sobre o día a día que protagonizas inmensa...

(non hai imaxe que te conteña). O tesouro da túa memoria salvarnos da fame
sempre

e non saber de ti será morrer un pouco,

ignorar que detiveches o invernos a golpe de lareira,

cen mil ferrados de sabas que labaches e de bocas ás que diches calma

E ladraches. E sorriches.

E non pasaches por esta foto, simplemente

viviches

Lucía Aldao

Salón Libro Infantil

2011-02-26T12:54:00.000+01:00

Un ano máis, Pontevedra celebra o salón do Libro Infantil e Xuvenil, esperamos que con tanto éxito coma sempre.

E convídannos a participar na presentación-homenaxe a Gloria Sánchez, na que actuarán o grupo infantil que seguro coñecedes "Mamá Cabra".

O sábado 5 de marzo no Pazo da Cultura de Pontevedra.

Se podedes, non o perdades!

Aniversario dunha Persoa Histórica

2011-02-24T09:35:00.000+01:00

Hoxe cumple 174 anos de vida... porque hai 174 anos que naceu en Santiago de Compostela alguén que nunca morreu para as cabezas de moita xente.

Se ben tod@s coñeceredes a súa obra para adultos, gustaríanos animarvos a coñece-los achegamentos que Rosalía fixo para os primeiros lectores. Esta imaxe lévavos directamente á web da súa fundación, onde ó mellor podedes atopar algo interesante; ou incluso podedes ir visita-la Casa-Museo da "figueiriña que eu prantei".

Aniversario dun Feito Histórico

2011-02-23T16:54:00.004+01:00

Todos sabemos que as historias son de quen as conta...Pero o que sí é indiscutible é que hoxe se cumple o aniversario dun feito crucial para a democracia de España. Destacamos estas cinco novelas que relatan a historia dende distintas perspectivas para que cada quen escolla a que máis lle interese oír.

Acto das Linguas

2011-02-21T10:31:00.003+01:00

O conselleiro de Educación e Ordenación Universitaria, Xesús Vázquez, e o presidente da Deputación de Ourense, José Luis Baltar, presidirán o luns o acto de conmeración do Día Internacional da Lingua Materna que terá lugar no Centro Cultural da Deputación ourensá. O obxectivo desta celebración, instituída pola UNESCO en 1999, é impulsar a práctica das linguas maternas en todo o mundo e, en especial, as das minorías, por seren aquelas que se encontran nunha situación máis difícil.

Con este motivo, a Xunta de Galicia quere sumarse á conmemoración deste día e contribuír co galego, a lingua propia da comunidade, ao patrimonio lingüístico e cultural da humanidade. Polo mesmo, tamén forma parte desta celebración a promoción do respecto e do interese por todos os idiomas para favorecer unha actitude positiva cara á riqueza lingüística do mundo.
O evento terá lugar o propio 21 deste mes, ás 20:00 horas, no Centro Cultural da Deputación de Ourense.

(Info: http://www.edu.xunta.es/)

Hoxe, mañá, pasado... día do amor e da amizade

2011-02-15T21:06:00.004+01:00

Parece que a xente se lembra máis estes días, así que desafiando ó calendario comercial presentámosvos hoxe unha selección de contos infantís que ben serven para o día das familias... Enfocamos o amor ó cariño que @s máis pequen@s teñen pol@s maiores do seu redor e dámosvos a coñecer estes libros que tratan sobre distintos tipos de familias que se poden atopar.

Ademais, apeteceunos acompañalo dunha montaxe de "A nena e o grilo", libro-CD editado por OQO e que forma parte da campaña de dinamización lingüística da Xunta de Galicia.

Feliz ano cheo de amor!

Mochilas Viaxeiras

2011-02-14T18:11:00.004+01:00

Atención, atención!

Xa estamos a carga-las mochilas para comeza-lo programa de empréstamo de material da biblioteca. Non te esquezas de enviarnos cuberta a nota que enviamos ás casas co nome e apelidos d@ teu/a nen@ para poder participar...

Inverno Quentiño e con Cariño

2011-02-10T09:45:00.005+01:00

No inverno temos que abrigarnos se non queremos pasar frío, así que podemos calcetar moitas prendas de abrigo... Pero está ben tamén que as compartamos cos demais.

Vimos de adquirir estes contos (un en galego e un en inglés) que traballan, ademais do acto de compartir e as prendas, a rima dun xeito moi sinxelo: estrutura encadeada, repetitiva e acumulativa.

Interesante achegamento á poesía para os primeiros lectores.

Contacontos Kalandraka

2011-02-09T11:30:00.007+01:00

Dumpr - Photo Fun

O luns pola mañá viñeron estes chicos a contarnos uns contos á biblioteca... Que ben o pasamos!
Bueno, só colliamos tres aulas... pero os de 5A xa foran o curso pasado e os de 3 iredes para o curso próximo. Prometido!!!

Día Mundial Contra o Canro (sexa cal sexa)

2011-02-04T14:05:00.001+01:00

Ogallá nunca volva a facer falla... pero por se o fora, a Sociedad Española de Oncología Médica, xunto co Foro Español de Pacientes e apoiados por un equipo de psicólogos, publican e distribúen gratuitamente este conto orientado ás familias e @s ne@s de nais ou pais que teñen que pasar por esta enfermidade.

Tenta facerlles entender a eles o momento que se vai a vivir nos seus fogares e a nós que no debemos apartalos posto que lle poderiamos crear máis inseguridade e tristura.

O gato Pepe, Ana e Pablo son os protagonistas da historia.

Os Maiores Queremos Paz

2011-02-04T09:54:00.006+01:00

Da colección "Súper Preguntas" de Edebé, o libro está formulado pensando n@s nen@s para axudarnos a achegarlles a eles/as esta reflexión.
Poderemos lelo conxuntamente cos nos@s fill@s maiores e, de paso, reflexionar tamén nós sobre algunhas das grandes preguntas da filosofía occidental a cerca deste tema.

Sempre está ben que nos paremos a pensar en que é e como poderiamos traballar e exerce-la convivencia...

Seguimos Traballando a Non Violencia

2011-02-02T11:57:00.004+01:00

O león estaba sempre feliz e contento, era moi amigable e nin sequera sabía ruxir... Pero iso probocáballe un problema.. que todos se rían del.

Un día alguén lle colocou unha máscara terrible e todo cambiou... A ira fai que nos alonxemos de todos e todas as que nos rodean.

Finalmente, debemos descubrir que o importante é a nosa propia identidade, defender e asumir que cada quen é diferente e tentar ser felices con nós e cos demais.

Editorial OQO

2011-01-31T21:30:00.001+01:00

Día Paz Non Violencia on PhotoPeach

Presentación de Wangari

2011-01-31T18:09:00.004+01:00

View more documents from aldeatotal.

Esta adaptación ó galego conseguímola da profe MariLuz, de cando no seu cole traballaron a historia real de Wangari. Moitas grazas por no-la deixar utilizar!

E o Home fíxose Muller

2011-01-30T09:42:00.002+01:00

Ediciones Ekaré achéganos a historia real de Wangari, unha muller keniata que de nena vive nun país, nunha aldea, verde e arbolada e cando chega de estudar fóra atópase cunha áfrica pobre e triste de espírito e de natureza.

Cun tono inxenuo, relátannos a vivencia dunha muller valente que conseguiu devolve-la cor verde esperanza a todo un pobo.

Wangari Maathai foi premio Nobel da Paz no ano 2004.

Exposición Non Violencia

2011-01-27T17:17:00.004+01:00

Esta é unha recompilación dos volumes que temos na biblioteca escolar sobre temas transversais e de coeducación. Xa sabedes que podedes achegarvos á escola para velos e compartilos con nós!

A Paz e as Árbores

2011-01-27T09:37:00.003+01:00

Un libro que fala do valor dunha vontade decidida, vontade de prantar árbores como un acto de amor á terra e á humanidade.

E esa vontade fará cambia-la paisaxe.

Desta historia podemos aprender a nosa capacidade para transformar a realidade por moi imposible que semelle, por moi impotentes que poidamos sentirnos.

Un pequeno gran libro para todas as idades. Editorial Galaxia.

Iguais e Diferentes

2011-01-24T21:30:00.005+01:00

Nun vello colchón tirado no xardín hai un país no que viven uns bichiños todos iguais que un día se verán para celebrar un aniversario. Pero ese día descubrirán que son diferentes... Ou non!?...

Así que sendo iguais tamén son diferentes!? E sendo diferentes tamén son iguais?!

Seguindo coa temática do día da Paz e a Non Violencia, entrañable relato sobre a tolerancia e as diferenzas en "El país de las pulgas", de Ediciones Phaidon.

As Árbores na Tribo Gond

2011-01-24T12:50:00.004+01:00

Esta tribo da India central que viviu tradicionalmente nos bosques cre que as árbores son o centro da vida. Estarán mal encamiñadas?...

En "La vida nocturna de los árboles", un libro de arte feito á man e editado por Factoría K de libros, amósannos algunhas das árbores sagradas da súa cultura; os espíritos que aparecen na noite, cando os visitantes se marchan.

Ilustracións acompañadas de pequenos relatos.

Novos Xogos

2011-01-21T09:59:00.003+01:00

No apartado Xogando e Aprendendo acabamos de colgar un novo espazo web de xogos para infantil, moi intuitivo para que vaian comezando a manexarse sós: PequeTic.

Ademais, recomendámosvos que accedades á páxina de ZacBrowser e lles deixedes xogar ou a descarguedes no voso PC. Un mundo pechado no que poderán experimentar facilmente e coa nosa tranquilidade dun entorno protexido de publicidades ou outras invasións de internet.

Traballando cara a Paz

2011-01-19T16:13:00.003+01:00

Se ben é verdade que o día da Paz deben ser todos, no cole comezamos a preparar a celebración do día Intenacional.
Dende a Biblioteca contribuímos cunha exposición de "libros da paz", entre os que vos achegamos esta presentación que atopamos.

Ademais, o 31 de Xaneiro faremos un gran día de convivencia no que traballaremos mesturados un libriño marabilloso... Xa veredes!

Os Nosos Contos do Nadal

2011-01-12T11:06:00.016+01:00

O Equipo de Biblioteca atrévese a presentarvos os libros que descubrimos este Nadal... co voso permiso e por orde de idade:

Un libro pensado para axudar ós máis preguiceiros a deixa-lo hábito do chupete...

Vinteoito relatos curtos pensados para crear un clima de relax e sono; un xeito apetecible de ir para a cama e achegarse á literatura.

Paula non consegue durmir, así que se pon a contar ovellas. Pero ó chegar á número 108 non consegue salta-lo cabeceiro! As súas compañeiras e Paula axudarano a conseguilo.
Unha pequena adiviña visual completa o libro.

Outra obra mestra, visual e para a imaxinación, de Suzy Lee. Desta vez transcorre nun lugar escuro e coa axuda dunha luz dunha bombilla.

Mostra de Teatro Infantil de Nadal

2010-12-27T17:17:00.004+01:00

O Salón Teatro de Santiago despide a súa programación 2010 cunha nova edición da Mostra de Teatro Infantil de Nadal, que ofrecerá do 26 ao 30 de decembro, cinco espectáculos de teatro actor, clown e monicreques, especialmente pensados para os máis pequenos .
Preme na imaxe e atoparás máis información .

Xa estamos no Nadal

2010-12-14T17:45:00.005+01:00

Queiramos ou non, o Nadal xa chegou ás nosas vidas! Na rúa, na escola, na casa... e, como non, no pensamento d@s máis pequen@s...

Para axudarvos a explicarlle a "Maxia" do Reis Magos, recomendámosvos este libriño súper sinxelo, con colantes para que eles/as rematen de adornar as follas.

Ademais, para vós, por se vos apetece afondar un pouquiño máis nos recursos que existen na nosa terra a cerca do Nadal, animámosvos a visitar esta páxina:

E para xogarmos na biblio, no noso encerado máxico:

10 de Decembro, Día dos Dereitos da Infancia

2010-12-09T12:51:00.004+01:00

Alguén decidiu un día que a infancia non é unha preparación da vida adulta. Que toda nena e todo neno teñen sentimentos, ideas, emocións, puntos de vista... que debemos respectar e apoiar para que se convirtan neses seres que quixérmos que foran...

Por iso hoxe celebramos o día Internacional da Declaración dos Dereitos da Infancia, e queremos plasmalo con esta presentación do libro "Café dulce, café amargo"

Se picades no logo de UNICEF atoparedes máis información relacionada coa data.

Día Internacional da Discapacidade

2010-12-03T10:02:00.004+01:00

Todos diferentes, Todos iguais.

Porque o importante é saber convivir, quererse e querelos...

Pica na imaxe e vera-las páxinas do conto "El cazo de Lorenzo".

Para que non Haxa Mandóns...

2010-11-29T16:47:00.004+01:00

Aínda que con certo retraso, non queriamos deixarvos de amosar esta presentación dun libro que descubrimos grazas ós nos@s compañeir@s de Raioteca, dende o CEIP de Andrade.

Porque o día da violencia machista é tódolos días.

O PAÍS DOS MANDÓNS

View more presentations or Upload your own.

Alicia Patapam

2010-11-26T09:59:00.004+01:00

Nun día moooi aburrido, no que non ten nada que facer, Alicia abre un libro de contos case sen querer... Pero ese feito desganado e apático converterase nunha aventura interesante.¨

O que @s nen@s descubran ás personaxes que aparecen nas historias faise moi emocionante.

As ilustracións son tamén simpáticas e interesantes.

Literatura para Adultos

2010-11-22T09:41:00.006+01:00

O autor de "El niño del pijama de rayas" e "Motín en la Bounty" volve a amosa-la súa facilidade para relatar feitos históricos mesturados con fantasía realista.

Desta vez, o personaxe Georgi Danilovich Yáchmenev amósanos o tempo do Tsar Nicolás II e os Romanov e os tempos que precederon á revolución bolchevique mesturados cunha conmovedora traxedia íntima na que o final se agocha ata as últimas liñas.

Fernández Paz, NON Premio da Cultura Galega

2010-11-21T17:13:00.005+01:00

O sobradamente recoñecido escritor, Agustín Fernández Paz, decidiu non acepta-lo Premio da Cultura Galega, nun alarde de coherencia e honestidade.

Os motivos polos que así o fixo veñen recollidos no manifesto publicado por Prolingua o 8 de outubro, titulado "Rosalía nunca aceptaría ese premio".

Se picas na imaxe poderás le-la noticia recollida no xornal.com e outros enlaces de interese a cerca do manifesto e da valía do autor.

En Tren ó Teatro!

2010-11-19T12:29:00.002+01:00

Onte fumos ó antigo Cine Elma a ver un contacontos, convidados polo Concello e organizado pola Xunta de Galicia.
Quizais a peza non estaba moi adaptada a Infantil... pero pasárono tan ben tod@s!!! Era a primeira vez que saiamos con de 3 anos e foi xenial!!!
Deixámosvos unha pequena montaxe do proceso.

O Magosto e a Biblioteca

2010-11-17T12:57:00.002+01:00

Pese a que o día da festa do Magosto non fixo moi bo tempo, algunhas actividades pódense facer chova, vente ou trone!!!
E entre elas están os títeres, que nos arrincaron algúns nervios e moitas risas...
Tamén podedes ve-las fotos do Magosto na web: os botes, as castañas, os tizóns...

Open publication - Free publishing - More infantil

Novidades da Semana

2010-11-11T19:01:00.005+01:00

Como xa dixemos, esta semana andivemos reorganizando e investigando a biblioteca... así que cando nos demos conta tiñamos un lote de libros novos sen amosarvos!

Por iso decidimos facer esta presentación, para que vaian todos dun tirón... (a calidade é regular, sabémolo... outro punto a mellorar.. jjjj)

Xa sabedes onde os podedes atopar: no estante de novidades!

Open publication - Free publishing - More novidades

Ó día

2010-11-11T17:07:00.010+01:00

Esta semaniña estivemos a ordenar, clasificar, recuperar...
os volumes da biblioteca. É un pouco confuso o cambio de coordinación... por tódalas partes! Pero esperemos
que gracias á colaboración de tódalas compañeiras vaia
encamiñándose o traballo... Animámosvos a virnos visitar!

2010-11-03T11:25:00.004+01:00

Raquel Sainz é colaboradora habitual de OQO. Esta vez, coma outras anteriores, racha cos convencionalismos e estereotipos dos contos populares.

"Este é un libro sobre gatos condenados a calzarse, viúvas afeccionadas á moda, amantes dos animais, avalanchas de ratos, frautistas retirados, albaneis de servizo, estraños aparellos que sosteñen a lúa, bruxas nun mal día, revoltas populares, reis, raíñas, princesas... que conta a incríble (pero certa) historia de como as ras acabaron gobernando o mundo"

Aínda que recomendado para 8 anos, é un álbum que atrae polas reinterpretacións paródicas das personaxes dos contos clásicos e as ilustracións coloristase orixinais de Rashin Kheiriyeh.

Moi divertido!

2010-10-28T14:18:00.002+02:00

No apartado "Xogando e Aprendendo" colgamos un enlace directo cunha páxina web que nos permite ir creando o conto que nos relatan. Moi faciliña de seguir e súper interesante!

Libro-Xogo para toda a familia

2010-10-27T12:43:00.005+02:00

A Editorial "La Osa Menor" preséntanos un libro que non é para ler, senón para xogar.

Ideado por Àngels Navarro, permítenos descubrir ata 1.728 labirintos alternando as solapas.

Podedes seguilos co dedo ou calquera cousa que remate en punta (un pauiño, un pincel...)

Se non atopades o camiño á primeira non desistades! Só tedes que desfacelo e comezar de novo.

Moi interesante a combinación do xogo en familia co enxeño nun formato libro.

Outra de Premios!

2010-10-25T18:11:00.005+02:00

Ultimamente son todo Galardóns, pero o Concello de Santiago de Compostela e a editorial Kalandraka veñen de outorgar o seu III Premio de Álbum Ilustrado a "A Familia C", unha obra sinxela, bonita e moi chamativa.

A propia editorial preséntanola en galego, español e inglés.

Unha boa opción para un rato agradable!

Premio Nobel de Literatura 2010

2010-10-21T14:18:00.003+02:00

Este mes vén de coñecerse o gañador do premio Nobel de Literatura, que finalmente recaeu en Mario Vargas Llosa.

Cunha ampla obra xa coñecida durante o século pasado, sobran os nomeamentos e descricións das mesmas. Simplemente como mención especial por ter recibido tan bo e ben dotado premio, amosámosvos as súas novas creacións, as do século XXI.

Open publication - Free publishing - More biblioteca

Premio Planeta 2010

2010-10-20T18:25:00.009+02:00

Eduardo Mendoza, avogado de estudos e escritor de profesión, autor de obras como “La verdad sobre el caso Savolta”, “La verdad de las aceitunas” ou “La ciudad de los prodigios“, gañou a 59 edición do Premio Planeta de Novela, dotado con 601.000 euros, coa obra “Riña de gatos. Madrid 1936”, unha novela de intriga sobre un xoven inglés especialista en pintura española reclamado para taxar un posible cadro de Velázquez. Este personaxe convive nun lugar real, nunca época real, con outro personaxe histórico, tamén real, pero que é o propio lector o que o debe ir descubrindo...

Samaín

2010-10-20T11:39:00.001+02:00

Un vídeo cun tema de Mamá Cabra para inspirar a semana do Samaín.

Mirade que hai tamén algún xoguiño!

O Outono

2010-10-18T10:43:00.001+02:00

En marcha!

2010-10-15T09:11:00.007+02:00

Comeza o outono, o mes do samaín, caen noces e castañas... e no cole tratamos todos estes temas tamén dende a biblioteca: visitade a nosa exposición temática, que serve ás aulas para ter á man os nosos fondos sobre a temática do primeiro trimestre.

A Maxia dos Títeres

2010-10-08T09:47:00.008+02:00

Pica na imaxe

Os nenos e nenas de 4 e 5 anos gozaron o xoves 7 de outubro co espectáculo Allegro Vivace, no que nos atopamos co encanto único dos monicreques e as súas incribles posibilidades de facernos sorrir e provocarnos emocións positiva.